Waymo Driver
Gumagawa kami ng Driver na binubuksan ang pinto para sa buong industriya. Ang Waymo Driver, na ginawa batay sa walang kapantay na karanasan at idinisenyo nang pangunahing pinapahalagahan ang kaligtasan, ay ang aming teknolohiya sa autonomous na pagmamaneho na hindi nalalasing, napapagod, o naaabala.
Ang Waymo Driver ang Pinakabihasang Driver sa Buong MundoTM
Mayroon kaming napakaraming data mula sa milyon-milyong milyahe ng pagmamaneho sa nakapakaraming pampublikong kalsada, at bilyon-bliyon pa sa simulation, para mas pahusayin pa ang teknolohiya ng autonomous na pagmamaneho.
Ayon sa data hanggang sa kasalukuyan, nakakabawas ang Waymo Driver sa mga aksidente at pagkamatay sa trapiko sa mga lugar kung saan kami nagpapatakbo.
Ang Waymo Driver vs Tulong sa driver
Paano ito gumagana
Minamapa ang bawat intersection, sign, at signal
Bago magsimulang magpatakbo sa isang bagong lugar ang aming Waymo Driver, minamapa muna namin ang teritoryo sa pamamagitan ng napakahusay na detalye, mula sa mga pananda sa lane, hanggang sa mga pananda para sa paghinto, hanggang sa mga bangketa at tawiran. Pagkatapos, sa halip na umasa lang sa external na data tulad ng GPS na puwedeng humina ang signal, ginagamit ng Waymo Driver ang mga lubos na detalyadong custom na mapa na ito, kasama ang real-time na data ng sensor at artificial intelligence (AI), para matukoy ang eksaktong lokasyon nito sa kalsada sa lahat ng oras.
Paano ito gumagana
Sabay-sabay na nakabantay sa lahat ng bagay
Kumukuha ang system ng perception ng Waymo Driver ng kumplikadong data na nakalap mula sa advanced na suite ng mga sensor ng kotse nito, at inuunawa nito kung ano ang nasa palagid nito sa pamamagitan AI - mula sa mga taong naglalakad, hanggang sa mga siklista, sasakyan, hanggang sa konstruksyon, at higit pa. Tumutugon din ang Waymo Driver sa mga sign at signal, tulad ng mga kulay ng traffic light at pansamantalang stop sign.
Paano ito gumagana
Hinuhulaan ang mga bagay bago mangyari ang mga ito
Puwedeng may daan-daang bagay na nauugnay sa mga sitwasyon ng pagmamaneho kung saan ang bawat isa sa mga ito ay may mga sariling natatanging gawi at intensyon. Ginagamit ng Waymo Driver ang impormasyong kinakalap nito nang real time, pati na rin ang nakuha nitong karanasan mula sa 20+ milyong milya ng aktwal na pagmamaneho at 20+ bilyong milya sa simulation, at ginagamit ang AI para mapaghandaan ang posibleng gawin ng iba pang gumagamit ng kalsada. Nauunawaan nito ang pagkakaiba ng pagkilos ng sasakyan at pagkilos ng siklista, taong naglalakad, o iba pang bagay, at pagkatapos ay hinuhulaan nito ang maraming potensyal na daang posibleng tahakin ng mga gumagamit ng kalsada, at sabay-sabay at napakabilis na isinasagawa ang lahat ng ito.
Paano ito gumagana
Nagpaplano para sa pinakaligtas na resulta
Kinukuha ng Waymo Driver ang lahat ng impormasyong ito – mula sa mga lubos na detalyadong mapa, hanggang sa mga bagay sa paligid at kung saan posibleng magtungo ang mga ito – at ginagamit nito ang AI para planuhin ang pinakamainam na aksyong gagawin o rutang dadaanan. Tinutukoy kaagad nito ang eksaktong trajectory, bilis, lane, at mga pagmaneobra na kinakailangan para ligtas na gumalaw sa buong paglalakbay nito.
Nakiita ang kalsada sa maraming dimensyon
Sa nakalipas na dekada, nakapag-develop ang Waymo ng isang pinagsamang system ng mga sensor at compute na idinisenyong sabay na tumakbo para mabigyan ang Waymo Driver ng kumprehensibong video ng mundo sa paligid nito. Araw man o gabi, malapit man o malayo, idinisenyo ang Waymo Driver na malinaw na makita ang nangyayari.
- Gumagawa ang Lidar, o Light Detection and Ranging, ng 3D na larawan ng paligid ng sasakyan. Ang mga sensor ng Lidar ay matatagpuan sa buong paligid ng sasakyan para makapagpadala ng milyon-milyong laser pulse sa lahat ng direksyon, at pagkatapos ay sinusukat ng mga sensor na ito kung gaano katagal bago tumalbog ang mga ito mula sa mga bagay. Ang aming system ng lidar ay nagbibigay sa Waymo Driver ng bird's eye view ng nasa paligid, anumang oras ng araw.
- Nagbibigay sa Waymo Driver ang aming mga camera ng sabay-sabay na tumatakbong 360° na view sa paligid ng sasakyan. Idinisenyo ang mga ito nang may high dynamic range at thermal stability, para makakita sa araw at sa madidilim na sitwasyon, at makatakbo sa mga mas kumplikadong environment. Nakakakita ang mga ito ng mga traffic light, lugar ng konstruksyon, at iba pang bagay sa lugar, kahit na daan-daang metro ang layo ng mga ito. May 29 na camera sa aming mga Jaguar I-PACE.
- Gumagamit ang radar ng mga millimeter wave frequency para makapagbigay sa Waymo Driver ng mga napakahalagang detalye tulad ng layo at bilis ng bagay. Epektibo ang radar sa ulan, hamog, at niyebe.
- Bilang “utak" ng Waymo Driver, pinagsasama ng aming onboard na computer ang mga pinakabagong CPU at GPU sa antas ng server. Kumukuha ito ng impormasyong ibinibigay ng maraming sensor sa kotse, tinutukoy nito ang iba't ibang bagay (tulad ng iba pang kotse at taong naglalakad), at nagpaplano ito ng ligtas na ruta patungo sa iyong destinasyon – isinasagawa ang lahat ng ito nang real time.
Lidar
Mga Camera
Radar
Compute
- Gumagawa ang Lidar, o Light Detection and Ranging, ng 3D na larawan ng paligid ng sasakyan. Ang mga sensor ng Lidar ay matatagpuan sa buong paligid ng sasakyan para makapagpadala ng milyon-milyong laser pulse sa lahat ng direksyon, at pagkatapos ay sinusukat ng mga sensor na ito kung gaano katagal bago tumalbog ang mga ito mula sa mga bagay. Ang aming system ng lidar ay nagbibigay sa Waymo Driver ng bird's eye view ng nasa paligid, anumang oras ng araw.
- Nagbibigay sa Waymo Driver ang aming mga camera ng sabay-sabay na tumatakbong 360° na view sa paligid ng sasakyan. Idinisenyo ang mga ito nang may high dynamic range at thermal stability, para makakita sa araw at sa madidilim na sitwasyon, at makatakbo sa mga mas kumplikadong environment. Nakakakita ang mga ito ng mga traffic light, lugar ng konstruksyon, at iba pang bagay sa lugar, kahit na daan-daang metro ang layo ng mga ito. May 29 na camera sa aming mga Jaguar I-PACE.
- Gumagamit ang radar ng mga millimeter wave frequency para makapagbigay sa Waymo Driver ng mga napakahalagang detalye tulad ng layo at bilis ng bagay. Epektibo ang radar sa ulan, hamog, at niyebe.
- Bilang “utak" ng Waymo Driver, pinagsasama ng aming onboard na computer ang mga pinakabagong CPU at GPU sa antas ng server. Kumukuha ito ng impormasyong ibinibigay ng maraming sensor sa kotse, tinutukoy nito ang iba't ibang bagay (tulad ng iba pang kotse at taong naglalakad), at nagpaplano ito ng ligtas na ruta patungo sa iyong destinasyon – isinasagawa ang lahat ng ito nang real time.
Matuto pa tungkol sa pinakabagong generation ng hardware at mga kakayahan ng compute Pagsubok sa aming teknolohiya
Ang pagsubok ang pangunahing pundasyon ng lahat ng ginagawa namin. Masidhi naming isinasailalim ang Waymo Driver sa mga sitwasyong mas mahirap kaysa sa mga nararanasan namin sa kalsada para ma-validate na natutugunan nito ang aming internal na pamantayan sa kahandaang pangkaligtasan, at nasusunod nito ang lahat ng naaangkop na batas ng estado at regulasyong pederal para sa pagsubok
Mga nakasarang kurso
Mga pampublikong kalsada
Simulation
Pag-iwas sa pagbangga
Pagsusuri sa panganib
Pagkamaaasahan at tibay
Mga backup na maaasahan mo
Pangalawang compute
May pangalawang on-board na computer ang Waymo Driver na palaging tumatakbo sa background. Idinisenyo ito na ligtas na ihinto ang sasakyan kung sakaling may ma-detect itong pagpalya sa aming pangunahing system.
Backup na system ng pag-detect at pag-iwas sa pagbangga
Palaging alisto ang maraming backup na system—kabilang ang mga independent system ng pag-iwas sa pagbangga—sa mga bagay sa kalsadang daraanan at sa likod ng sasakyan para sa mga bagay tulad ng mga taong naglalakad, siklista, at iba pang sasakyan. Mapapabagal o mapapahinto ng mga ito ang sasakyan sa mga bihirang mangyaring sitwasyon kung saan hindi gumagana ang pangunahing system.
Karagdagang pagmaneobra
Nagtatampok ang system ng pagmamaneobra ng karagdagang pangalawang system ng drive motor na may mga independent controller at hiwalay na power supply.
Karagdagang pagpreno
Ligtas na mapapahinto ang sasakyan kung kinakailangan sa pamamagitan ng ganap na pangalawang system ng pagpreno.
Mga backup na power system
May mga independent power source na nakalaan para sa bawat isa sa mga napakahalagang system ng pagmamaneho. Tinitiyak ng mga ito na nananatiling tumatakbo ang Waymo Driver sa mga bihirang mangyaring sitwasyon ng pagpalya ng power o pagkaantala ng circuit.
Mga karagdagang system ng inertial measurement para sa pagpoposisyon ng sasakyan
Nakakatulong ito sa Waymo Driver na tumpak na masubaybayan ang paggalaw nito sa kalsada. Ang dalawang system na ito ay kino-cross check ang bawat isa at pinapansan ng isang system ang pagkontrol mula sa kabilang system kung may ma-detect na depekto sa anumang system.
Cybersecurity
Ang pagprotekta sa Waymo Driver laban sa nakakapinsalang aktibidad ang pinakamahalaga. Bumuo ang Waymo ng matatag na proseso para malaman, mabigyang-priyoridad, at makontrol ang mga panganib sa cybersecurity nang naaayon sa pinakamahuhusay na kagawian sa seguridad na tinukoy ng industriya at gobyerno.